verdwenen plekjes van Harderwijk en Hierden

verdwenen plekjes

Verdwenen plekjes van Harderwijk en Hierden.
Een heel mooi samengesteld boekje, uitgegeven ter gelegenheid van het 750 jarig bestaan van Harderwijk.
Helaas is dit boekje niet of nauwelijks meer te verkrijgen.
Mijn dank gaat uit naar bergdrukkerij te Amersfoort en naar de zoon van W.M.E. ter Horst en
L. ter Horst, Ties ter Horst, voor de toestemming, om dit boekje te plaatsen op mijn website.
Ik wens u veel lees en kijkplezier.
H.Herzog.

 

Read More

Posted in Verdwenen plekjes van Harderwijk en Hierden | Geef een reactie

Noar de Franse schoele en kwekeling

poorter


 Noar de Franse schoele en kwekeling.
 
Uut – eleerd op de schoele an ut Academiestraotjen,gong ik noar de Franse schoele. Wat mulo hietten, was toen as kopschoele verbonden an een van de gewone schoelen, “school C” an ut karkplein te beginnen met de zeuvende klas. De boas van ut hele spul was meneer L, een klein dik mannetjen dee de wiend d’r onder had. As ie je ankeek, gong ut deur je marg en been. Dat de klajes klein waren bewiezen twee portretten uut negentienzeuventien: op de ene foto stoan twoalf, op de are mer elf kiender.

Read More

Posted in P.Poorter verhalenbundel | Geef een reactie

Hedenmientied, dat kleinekiend…….

poorter


 Hedenmientied, dat kleine kiend proat ook al Frans.
 
Bie de herinnering an de leste oorlog liekt de mobelesoasie van 1914 neet meer ut vertellen weerd. Toch luudden de stadshuusklok dee eenendartugse juli een tied van grote spanning in, want wie kon toen weten dat we buten de oorlog zouen blieven en ut is ook vake kantjenboord eweest. Biezundere berichten kwammen as buletin in grote, blauwe schriefletters bie drukkerie Wedding te hangen.

Read More

Posted in P.Poorter verhalenbundel | Geef een reactie

De Heilige Catharina

poorter

 

 
De heilige Catharina
En een meesterverteller in de Academie.
 
Woar zoveul voetstappen stonnen van prefesters en studenten was onze tekenschoele. En rondum was zoveul te tekenen eweest as je met meuite arges anders bie mekare hadden moeten zeuken. Neet al meuilijk zou de waltoren eweest he’n, vlak bie, woar ut “Achter de Muur”hietten. Een schilderietjen is vake emaakt van ut Linnaeustorentjen met de warrugge takken van de platoanbome. En achter onze tekenschoele stonnen ut klooster en ut karkjen van Sint Catharina en een geveltjen woar de abidis zou ewoend he’n, een ploatjen op zien eigen. En ut Paradijspoortjen!

Read More

Posted in P.Poorter verhalenbundel | Geef een reactie

Van Palmbos tot aan Oosterstrand

poorter

 

 
Van Palmbos tot aan Oosterstrand.
 
Je konnen an een Harderwieker jonge dee amper op schoele gong gerust vragen noar de wienstreken, al was ut geen visjonge, want asje an zee stonden, hietten de hele kust links ut westen en Halle rechts  achter de Greuntjes ut Oosterzand.

Read More

Posted in P.Poorter verhalenbundel | Geef een reactie

Een mins heet geen zwenvliezen, mer toch….

poorter

 

 
Een mins heet geen zwemvliezen, mer toch…….
 
De ouwe schipper Rengersen mot ezeild he’n: “Een mens hoeft neet te zwemmen, anders zou onze Lieve Heer um wel zwemvliezen egeven he’n!” Breng doar mer ’s wat teugen in. Mer deurdat de meeste visters neet zwemmen konnen, ister menigeen verdronken waor anders redding eweest was.

Read More

Posted in P.Poorter verhalenbundel | Geef een reactie

Van de Vismart noar de havet

poorter

 


 
 Van de Vismart noar de havet.
“Jie he’n ut grootste geliek van de hele Vismark…aster geen mins op steet!”Wier ezeit as een jonge neet van zien ongeliek te overtugen was.

Read More

Posted in P.Poorter verhalenbundel | Geef een reactie